Mizo hnahthlak zinga Khuanglawi, Khuangchhip leh Kâwm hnamte hian danglam bik riauna an nei a, chu chu an inneih dan hi a ni.
An inneih chuan âr-zângtuak an talh a, puithiamin, ‘Chawnnu timin tuak ang, Chawnpa timin tuak ang’ tiin a han chham a. Chu chu hmeichhe lam inah an ti ṭhin a. Puithiamin a chham zawh veleh chuan inchhunga awm zawng zawng chuan hla an sa a,
‘Kumkhaw tawn maw tawn lo maw?’ an ti a.
Chutah innei turate chu saruak ve vein hmeichhia pawn lamah, mipa kawmchâr lamah an ding a, an inep a. Mipui chu an zâi leh a,
‘A ti fûk e, ti fûk e,
Kumkhaw tawn maw tawn lo maw?’ an ti a.
An sak lai chuan innei turate chu an inpan a, chhuat laiah chuan ding chungin an inpawm a. An inpawm chu kuta vuah miah lova an serh a invuah rem chuan an zâwl a kai ni-ah an ngai a, inneih ni hranpa siam leh tawh chuang lovin an innei nghal ta ṭhin a ni.
An serh a invuah fuh theih loh erawh chuan an dinna ngaiah an kir leh a, mipui an zâi leh a, an inpan a, a tharin an inpawm leh a. A la invuah fuh theih loh chuan vawi thum thlengin an ti a. A vawi thumna pawh a a la invuah rem theih loh chuan, puithiam chuan, ‘Kan zâwl a kai lo a ni e, an inneih a rem lo a ni ang’ a ti a, innei lo turah an inngai mai ṭhin. He an inneih dan hi kum 1919 te pawh khan an la hmang.
Source: Hrangṭhiauva (2011) Mizo History p.341.
An inneih chuan âr-zângtuak an talh a, puithiamin, ‘Chawnnu timin tuak ang, Chawnpa timin tuak ang’ tiin a han chham a. Chu chu hmeichhe lam inah an ti ṭhin a. Puithiamin a chham zawh veleh chuan inchhunga awm zawng zawng chuan hla an sa a,
‘Kumkhaw tawn maw tawn lo maw?’ an ti a.
Chutah innei turate chu saruak ve vein hmeichhia pawn lamah, mipa kawmchâr lamah an ding a, an inep a. Mipui chu an zâi leh a,
‘A ti fûk e, ti fûk e,
Kumkhaw tawn maw tawn lo maw?’ an ti a.
An sak lai chuan innei turate chu an inpan a, chhuat laiah chuan ding chungin an inpawm a. An inpawm chu kuta vuah miah lova an serh a invuah rem chuan an zâwl a kai ni-ah an ngai a, inneih ni hranpa siam leh tawh chuang lovin an innei nghal ta ṭhin a ni.
An serh a invuah fuh theih loh erawh chuan an dinna ngaiah an kir leh a, mipui an zâi leh a, an inpan a, a tharin an inpawm leh a. A la invuah fuh theih loh chuan vawi thum thlengin an ti a. A vawi thumna pawh a a la invuah rem theih loh chuan, puithiam chuan, ‘Kan zâwl a kai lo a ni e, an inneih a rem lo a ni ang’ a ti a, innei lo turah an inngai mai ṭhin. He an inneih dan hi kum 1919 te pawh khan an la hmang.
Source: Hrangṭhiauva (2011) Mizo History p.341.
No comments:
Post a Comment